AVISO A NAVEGANTES por Tresillo

Derivado dun comentario absolutamente abxecto feito á entrada "De tu querida presencia comandante Che Guevara" firmado pola nosa prezada colaboradora Pequena Retadora só cabe dicir que aquí, neste blogue deslenguado, incorrecto e, sobre todo, libre...só cabe dicir que aquí, aquí non cabe...repito non cabe, valgan todas as redundancias.
Como membro fundador e creo que en nome de todo o resto de membros e colaboradores asiduos, desprezamos, rexeitamos, asqueamos e, por suposto, condeamos calquera comentario de índole personal que pretenda atacar á dignidade e integridade moral de calquera. Condea máis contundente sobre todo se quen emite tales despectivos, baleiros e vergonzosos comentarios o fai COBARDEMENTE dende o anónimato. Non podemos admitir tales feitos, pois non cabe confundir ironía, sarcasmo e provocación (producto da intelixencia e da razón) con inxurias, repito, inxurias contra ninguén (o merdán ou merdeira que as escribiu pode ir buscando no diccionario o que significa unha inxuria e tamén pode mirar o que conlevan nun Código Penal).
Ata agora a participación no blogue a xeito de comentario foi totalmente libre. Dende o principio asumimos este risco pois, máis alá de que nos consideren e nos "autocalifiquemos" coma sectarios, cremos profundamente na liberdade de expresión e no dereito de todo o mundo a opinar e facer consideracións sobre calquera tema que plantexemos neste foro. Pero coma todo exercicio de liberdade todo ten límites e o límite é o respeto á citada dignidade e integridade moral (física xa non se diga) das persoas. Non admitiremos pois, ningún comentario máis que manifeste tan aberto e temerario desprecio cara a persona e personalidade de calquera colaborador, membro ou seguidor do Que me importa a min. Neste senso, se advertimos outra intervención na liña de comentarios que pretenda atentar contra os valores mínimos pero esenciais deste blogue, limitaremos a participación só aos "suscritos" ao "gmail" que estean plenamente identificados. Non queremos, por nada do mundo, ter que incurrir nestas medidas propias da censura doutros foros politicamente tendenciosos; de xeito que, esperamos o respeto ou, cando menos, a indiferencia dos que teñan en mente utilizar este blogue como instrumento da súa mezquindade e cobardía.
Sen outro particular máis, só cabe darlle, en nome propio e no de todos nos, o noso incondicional e desinteresado apoio e cariño á nosa estimada Pequena Retadora. Calquera que se considere verdadeiro participe deste blogue seguro que compartirá comigo que a túa presenza, a través dos teus comentarios e entradas, resulta moi constructiva e entretida e, dende logo, é un valor que non queremos perder. Ánimo para seguir nesta particular aventura "sectaria-cervecense" e absoluta indiferencia para os que queren manchar este blogue tan amado por uns e, gracias a House, odiado por moitos.