UN ANO E QUE ME IMPORTA A MIN por Tresillo

Xa cumprimos un ano...si, si, parece que foi onte cando, nunha conversa de café, catro amigos decidimos abrir un blogue para dar renda solta ás nósas máis diversas e disparatadas inquedanzas. E aquí seguimos, cun "éxito" que nin nós mesmos esperabamos. Seguimos, coa ledicia de crear algo que, para ben ou para mal, non deixou idiferente a ninguén. Seguimos, coa certeza de que a nósa obra serviu para moito máis que a simple pero grande misión de mostrar ou deformar o mundo extrano que nos rodea. Mostralo ou deformalo con certo toque de humor ou certo toque de seriedade, co sarcasmo propio da nósa terra, co excepticismo inherente á nósa xeración, coa belixerante beleza das verbas, única arma digna das mulleres e homes libres do nóso tempo.

Si, aquí quedou a nósa peculiar e singular visión das cousas. Este espazo adquiriu unha dimensión máis profunda do que inicialmente tiñamos en mente porque, sen lugar a dúbidas demostramos que a personalidade de cada quen (daqueles que vertimos comentarios intencionadamente descontrolados e libres) conxugouse perfectamente co respeto a un terreo común de convivencia que é o QUE ME IMPORTA A MIN. Porque, aínda que de catro amigos saiu a idea, esto perténcenos a todos, a todos os que gastamos un pouco do nóso tempo de preguiza escribindo ou colgando fotos, a todos os que antes de poñernos a traballar queremos sorrir para encamiñar con certa boa cara oito, nove ou dez horas de monotonía, a todos os que facemos un impás entre clase e clase para abrir os ollos ante tanta abrumadora retórica, a todos os que algunha vez nos mordeu a curiosidade de saber "de que vai esto" e, ante a decepción ou a incredulidade, nunca máis "pisamos" este espacio. A todos vós, MOITÍSIMAS GRAZAS POR PRESTARNOS O VOSO APOIO E TAMÉN POR DESPRESTIXARNOS, EN DEFINITIVA, TODO É MARKETING.

Nada máis queridos blogueiros, xa sabedes "SOMOS MOITO" e "ESTO FOI CRIMINAL". Espero que este ano siga a ser así....pola miña parte, seguirei comprometido coa causa.