As cousas tan guapas que deixaron aquí Iceman, N8, Hotman ou Barri animáronme a recomendar un grupo mexicano que empecei a escoitar hai tempo pola B.S.O. de "Amores Perros" (onde se incluía a súa canción "Aviéntame"). Chámanse Café Tacuba, e aínda que en México teñen tantos seguidores coma Maná (por poñer un exemplo), aquí non son demasiado coñecidos. Á par das cancións, para min o mellor deles é que son bastante versátiles, capaces de alternar bos discos de rock con marabillas acústicas nas que versionan músicas tradicionais e tratan de crear novos clásicos. Para mostra deixo aquí algunhas opcións a elixir, desde a entregada "Eres" ata a bailable "El puñal y el corazón," que Tresillo e Barrilete executarían con mestría (jeje); pasando pola súa visión, 100% mexicana, de "Ojalá que llueva café." A ver se vos gustan.
Suscribirse a:
Enviar comentarios (Atom)
No hay comentarios:
Publicar un comentario